حضرتي كنت بعرس ضيعة صغير
كانوا عاملينه عالضيق..خفيف نظيف..نحنا كنا من أهل العريس..
المهم
مثل العادي..مسكت فيي واحدة (طبعاً مابعرفها)
وفتحت تحقيق:
هي: أنت بنت فلانة؟
أنا: نعم
هي: (أسئلة كثير عن شو بعمل ووين بشتغل و وين درست)
أنا: (جاوبت طبعاً..الطريقة الوحيدة لتخلصي من هالعلقة هي إنو تجاوبي)
هي: (وصلت للدسم ) و إنت خاطبة ماهيك؟؟؟ (أكيد شافت المحبس)
أنا: نعم
هي: من وين خطيبك؟
أنا: من الجنوب..رومين
هي: (كأن شافتلها شي شبح مقرف) إيه…شوعليه..مابيأثر..المهم مبسوطين
أنا: (يلعن أبو منظرك على أبو الساعة اللي رديت عليكي فيها)
…
مابعرف ليه العالم هيك صايرة!!
آه من الطائفية بجد لا تعليق
الأعراس أصبحت مكان للرخامة و التملق و التفتيش عن الصبايا و ممارسة الفضول و النميمة للأسف
إسراء..مابقدر أوصفلك كم الأسئلة الي جاوبتها بظرف دقيقة أو دقيقتين
فعلاً أماكن للرخامة مش أكثر!!
طيب وخطيبك شو بيشتغل
ايه وان شاء الله مبسوطة انتي وياه
ايه مناح اهل رومين من شو بيشكو
دخلك هوي من بيت شو
وكيف تعرفتو على بعض
مبسوطة انتي وحماتك
ليكي انتبهي هودي اوايا
بس سمالله عليكي مبين ادها وادود
وانتي يا سندي شو بتشتغلي
ايه معليه معليه
ستري ما شفتي مني
ومنها
عصام
Sectarianism sucks !!